Kulturvùriin hmm... - Gschücht

hmm...  -  iigentlich het aus ùs Gspass aagfange. Aafangs Abröle 1999 hii de Silvio ù de Manfred i de Kultuurmüli Mühletal as Äirisch-Konzärt organisiert. Di einzige zwüü Zyù sy gsyy, a gmüetlicha Aabe z haa ù kinner rooti Zaale z schryybe.

Dä Aabe isch ùf enas enoorms Ynterässe gstoosse ù het nis ziigt, ass i de Bevöukerig as Bedürfnis bestiit, zäme a uurchiga, yyrisch aaghuuchta Aabe z arlääbe.

Zyt denn git es dryy, vier settig Aaläss pro Jaar. Aber ging no stiit iis Zyù im Voordergrùnd: a gmüetlicha Aabe z vùrbringe.

Wär sich as genaauersch Büud ùber e Vùriin wetti mache, ggùgget am böschte amaau i üsersch Archyyv. Dette sy d Vùriins-Charete ù -Föschteni genaauer beschrübe ù dezue git es o Föteleni va dene Konzärt.